طريقه مبسطه لعمل فته الكوارع و العصبان او المبار من الاكلات المحببه لكثير من الشعب المصري و الكوارع من الاكلات المفيده جدااا لعدة اشياء
المقادير والمكونات:
فوارغ عجل (مش خروف) فوارغ الخروف ما بتنحشى لانها رفيعه
كرشات خروف
كوارع خروف (مقادم)
الحشوه :
رز قصير الحبه
بقدونس
بصل مفروم ناعم (اختياري)
حمص حب
لحمه عجل مفروم خشن
زيت قلي
ملح,فلفل اسود,
بهار
الحشوه :
رز عادي
بقدونس
بصل مفروم ناعم (اختياري)
حمص حب
لحمه عجل مفروم خشن
زيت قلي ملح
فلفل اسود
بهار
مكونات فته الكوارع :
شوربه الكوارع
خبر لبن
طحينيه
تومه
لمون
فلفل حار
ملح
لوز او صنوبر للزينه
بقدونس للزينه
طريقة التحضير والعمل للوصفه:
تنظيف الكرشات :
اول شي لازم نغلي مي بطنجره وتوصل لدرجه الغليان وانتي بتنضفي بالكرشات خلي المي على النار تغلى ما اطفي النار تحتها حطي فيها الكرشه بس مده ثواني مو لازم انطول عليها لانو كل ما بنطول عليها ما بيطلع الوبر اللي على الكرشه ولازم اول ما اتطلعيها من المي بسرعه بطرف السكين بنحت الوبر كتير منيح عن الكرشه لا تخليها لما تبرد لانه الوبر ما بيطلع بصير يغلب كتير
بعد تنظيف الكرشات من الوبر منيح وطبعا بتنضفيها كمان منيح من داخل الكرشه وبعدين بتشطفيهم هلا بتنضفي الكرشات بالطحين وبتفركيهم منيح بالطحين وبتفركيهم منيح وبشطفيهم وبتنقعيهم بالليمون والملح شوي وبتغسليهم منيح وبتجهزيهم للحشي ممكن تنضفيهم باي اشي انتي بتحبيه ممكن خل او اتضيفيلهم شويه زيت زيتون مع التنضيف كله بصير
الفوارغ :
اول شي الفوارغ بتكون عليهم طبقه من الدهون من بره هاي ما تشيليها بتقدري تخففي منها بس ازا شفتيها كتير لانه هاي الطبقه بدها تكون من جوه مع الرز وبتعطي طعم للفوارغ مع طبيخهم هلا بتشطفيهم منيح من بره وبعدين بتقلبيهم للجهه التانيه انا بقلبهم بمحفاره الكوسا اسهل طريقه وبعدين بتجيبي سكين وبطرفها بتحتي كل الطبقه اللي بتكون مغطيه الفوارغ منيح وبتلفيها وانتي بتنضفي فيها مشان تنضف من كل الجهات
ولما تخلصي اشطفيهم منيح وحطي عليهم طحين وافركيهم واشطفيهم وبعدين انقعيهم بالليمون والملح وافركيهم وافركيهم واشطفيهم واقلبيهم على الجهه التاني اللي فيها الدهنه لانه لما نحشيها رح نرجع نقلبها لجوه واحنا بنحشي فيها هلا كمان لازم تنضفيهم بنفس الطريقه من بره وتحطيهم بمصفاي مشان يتصفو ويكونو جاهزين للحشي
طريقه الحشوه
بتنقعي الرز مده 15 دقيقه وبتخلطي معاه جميع المكونات وبتكون التتبيله جاهزه للحشي طبعا الكميه حسب كميه الكرشات واحشي الكرشات طبعا مش كتير لانه الرز بتمدد والكرشه بتتقلص لازم تحشي الكرشه بس لربعها ازا بتحشيها كتير بتنفزر وبتخيطيها بالابره والخيط طبعا ممكن تخيطيها بالاول وتخلي فتحه صغيره وتحشيها منها ولما تحشيها تكملي خياطتها متل ما بعمل انا وكمان الفوارغ ما بتنحشى كتير لازم تكون الحشوه خفيفه ما بتخيطو في ناس بتربطهم من الاطراف لكن ما في داعي الحشوه ما بتطلع منهم
طريقه التسويه
طبعا الكرشات بتنطبخ بحله لوحدها والفوارغ لوحدها لانه الفوارغ بتستوه قبل الكرشات بعد ما تحشيهم بالنسبه للكرشات امسكي سكين وبراس السكين اعملي فتحات صغيره جدا بالكرشات كل كرشه اعملي فيها 3 الى 4 ثقوب صغار جدا بس مشان لما تنفخ الكرشه ما تنفزر واشطفيهم وحطيهم بطنجره مع مي على الغاز ولما يغلو وتكشديهم حطيلهم ملح وفلفل اسود وشوي من زيت القلي وبصل شرحات كبار وورق غار وكمان ممكن تستعملي مطيبات تانيه متل الهيل الحب وعودان القرفه والفلفل الاسود الحب وخليهم على نار حاميه وبعدين وطي بدها 3 س.
الفوارغ اشطفيهم وحطيهم بتنجره مع مي ولما تكشديهم حطي عليهم جميع المكونات اللي حطيتيهم على الكرشات بيوخدو طبيخ مده ساعتين تقريبا او حسب ما تشوفيهم طريو منيح وصارو جاهزين للاكل
اما الفته
بنقطع الخبز قطع متوسطه وبنشربه بشوربه الكوارع اللي بنكون مجهزينها مسبقا بنخلط كميه من اللبن الرايب مع طحينيه كويسه وبنحطهم على جنب
بندق تومه وفلفل حار اخضر بالمدق او بنضربهم فالكبه وبنضيف عليهم عصير ليمون وبناخد شوي من الخلطه وبنحطها على اللبن والطحينيه ووبنخلطهم مع بعض وبنضيف شويه ملح وبنحطهم فوق الخبز وبنحط على الوجه باقي خلطه الليمون والتومه والفلفل الحار وبنزينها باللوز او الصنوبر والبقدونس طبعا الكميه كله حسب الرغبه