طريقة عمل اللحمة الباردة

طريقة عمل اللحمة الباردة فاطمه ابو حاتي بالمقادير وطريقة التحضير مع الصور

المقادير :

عرق لحمة تربينكو
زعتر
حبهان بودرة
فلفل مطحون
ملح
فصوص ثوم سليمة
فصوص فلفل حصا

للبوكية جارنية :

جزر شرائح
ثوم سليم
كرفس
بصل مكعبات
ورق لورا
طماطم مكعبات
2 كوب مية مغلية

الطريقة :

1- العرق طبعا بيكون مربوط والفيديو هسيعرفك ازاي تربطية لو مش مربوط هاتي سكينة رفيعة واعملي فتحات وحضري معاكي فلفل حصا وشوية ملح قلبيهم مع بعض حطي في كل فتحةل فصين من الفلفل الحصا والملح وزقيهم لجوة بفص ثوم اعملي الفتحات دي في كل العرق من كل الجهات .
2- بعد متخلصي تبلي بملح وفلفل والزعتر والحبهان وادعكية كويس اوي وسبية يتبل نص ساعة او اكتر وعلي صنية علي النار سخنة اوي نزلي فيها شوية زيت صغيرين ونزلي العرق ياخد لون من كل الجوانب .
3- بعد ماخد لون من كل الجهات نزليلو كل مكونات البوكية جارنية والمية المغلية لازم تكون لنص العرق وحطي رشة سكر وظبطي الملح وغطي بورق الومنيوم لان لازم يكون محكوم كويس اوي وغطي بالغطا بعدساعة افتحي واقلبيها علي الناحية التانية واقفلي نفس القفلة وساعة كمان علي نار هادية كل ده وسبيها هتكون استوت وبقت زي الفل سبية يبرد خالص كيسية ودخلية التلاجة لتاني يوم وقدمية جمب طبق شعرية او رز حسب الرغبة .