المقادير والمكونات:
فردة كوارع أو حسب الكميه المرغوب فيها
للصلصه أو الدقه
بصله مفرومه ناعم
ملح
فلفل اسود
كمون
توم مفروم ناعم
فلفل حامي (حسب الرغبه)
صلصة طماطم

طريقة التحضير والعمل للوصفه:
نغلي مايه ونحط فيها الكوارع ونسيبها تغلي ربع ساعه وبعدين نصفيها وبعدين نغلي مايه تاني ونحط الكوارع تاني لمدة ربع ساعة تانيه وبعدين نغلي مايه ونحط فيها البصل والمستكه والحبهان وورق اللوري ونحط الكوارع ونسيبها ساعه ونص وبعدين نطفي ونسيبها من بالليل للصبح (ده بيكون تكملة سواها)

الصبح نديها غلوه عشان الشوربه بتكون مسكت عشان الجيلاتين بيجمد

بعدين نسيبها تبرد شويه ونخليها (نفصلها عن العظم) ونبدأ بتحضير الصلصه

نحط البصله وعليها الطماطم لحد ما تتسبك نزود بالشوربه بتاعت الكوارع بس مش كتير وبعدين نحط الملح والفلفل والبهارات ونسيبها تاخد غلوه وبعدين نحط الكوارع تكمل سواها مش هتغيب ع النار لأن الوقت ال من بالليل للصبح ده بيفرق جدا ف وقت السوا