طريقة عمل مسقعة البامية

المقادير والمكونات:

4 x معلقة كبيرة صلصة طماطم
3 ½ x كوب ماء (ساخن)
2 x كوب بامية (مقمعة)
2 x معلقة كبيرة زيت ذرة
1 x كوب طماطم (مفرومة)
1 x عدد قرن فلفل حامى
1 x عدد فص ثوم (مفروم)
¾ x كوب بصل (مفروم)
½ x كوب تمر هندى (منقوع)
½ x معلقة صغيرة كزبرة جافة مطحونة
¼ x معلقة صغيرة ملح (أو حسب الرغبة)

طريقة التحضير والعمل للوصفه:

فى حلة على النار هنحمر البصل والثوم فى الزيت لحد ما يتحولوا للون الذهبى.
هنضيف الطماطم وصلصة الطماطم ونقلب كويس لحد ما الطماطم تذبل.
هنضيف الملح والكزبرة والبامية والتمر هندى و الماء الساخن ونقلب على خفيف.
هنسيب الخليط على نار هادية لحد ما يتسبك كويس .. بالهنا والشفا.