طريقه عمل الديك الرومي بالفرن بتكه سحريه ليعطي لون و طعم روعه

المقادير والمكونات:
1 ديك رومي وسط
4 بصل
2 طماطم
ملح
فلفل اسود
روزماري
رشه جوزه الطيب
بهارات
معلقه كزبره ناشفه او خضراء
معلقه بابريكا
معلقه كاتشب حسب الرغبه
معلقه كبيره صويا صوص
معلقه دبس رمان
لمونه
2 جزر مبشور
ثوم بودر
2كوب عصير برتقال
3 تفاحه مبشوره
للدهان لزوم الشوي
2 ملعقه كبيره عسل ابيض
2ملعقه كبيره زيت
2ملعقه كبيره صلصه طماطم معلبه

طريقة التحضير والعمل للوصفه:
ننقع الرومي ليله كامله في مايه وملح علشان الزفاره

1-نغسل الرومي كويس من الملح

2-نضرب المكونات السابقه في الخلاط او الكبه ماعدا مكونات الدهان للشوي (العسل و الزيت و الصلصه )

3-نتبلها كويس وتحت الجلد بالتتبيله

4-نسيبها ليله كامله تانيه علشان تتشرب التتبيله ويبقا طعمها حلو

5-هنحطها في الفرن حوالي خمس ساعات اواقل حسب حجمها

6-هنحطها على درجه حراره عاليه حوالي ساعه وبعد كدا على درجه حراره منخفضه لحد ماتستوي

7- و قبل 10 دقائق من غلق الفرن نخلط مقادير العسل و الزيت و الصلصه و ندهن الرومي جيدا بفرشاه سيليكون و نغطيه جميعا

و بالفففف هناا